Sri Nrsimha Kavaca (Full)

Sri Nrsimha Kavaca (Full)
: :

Sri narasimha jaya narasimha jaya jaya narasimha
praladesa jaya padma mukha padma bhrnga

nṛsiṁha-kavacaṁ vakṣye
prahlādenoditaṁ purā
sarva-rakṣa-karaṁ punyaṁ
sarvopadrava-nāśanam

sarva-sampat-karaṁ caiva
svarga-mokṣa-pradāyakam
dhyātvā nṛsiṁhaṁ deveśaṁ
hema-siṁhāsana-sthitam

vivṛtāsyaṁ tri-nayanaṁ
śarad-indu-sama-prabham
lakṣmyāliṅgita-vāmāṅgam
vibhūtibhir upāśritam

catur-bhujaṁ komalāṅgaṁ
svarṇa-kuṇḍala-śobhitam
saroja-śobitoraskaṁ
ratna-keyūra-mudritam

tapta-kāñcana-sankāśaṁ
pīta-nirmala-vāsasam
indrādi-sura-mauliṣṭhaḥ
sphuran māṇikya-dīptibhiḥ

virājita-pada-dvandvaṁ
śaṅkha-cakrādi-hetibhiḥ
garutmatā ca vinayāt
stūyamānaṁ mudānvitam

sva-hṛt-kamala-samvāsaṁ
kṛtvā tu kavacaṁ pathet
nṛsiṁho me śiraḥ pātu
loka-rakṣārtha-sambhavaḥ

sarvago ’pi stambha-vāsaḥ
phalaṁ me rakṣatu dhvanim
nṛsiṁho me dṛśau pātu
soma-sūryāgni-locanaḥ
 
smṛtaṁ me pātu nṛhariḥ
muni-vārya-stuti-priyaḥ
nāsaṁ me siṁha-nāśas tu
mukhaṁ lakṣmī-mukha-priyaḥ

sarva-vidyādhipaḥ pātu
nṛsiṁho rasanaṁ mama
vaktraṁ pātv indu-vadanaṁ
sadā prahlāda-vanditaḥ

nṛsiṁhah pātu me kaṇṭhaṁ
skandhau bhū-bhṛd ananta-kṛt
divyāstra-śobhita-bhujaḥ
nṛsiṁhaḥ pātu me bhujau

karau me deva-varado
nṛsiṁhaḥ pātu sarvataḥ
hṛdayaṁ yogi-sādhyaś ca
nivāsaṁ pātu me hariḥ

madhyaṁ pātu hiraṇyakśa-
vakṣaḥ-kukṣi-vidāraṇaḥ
nābhiṁ me pātu nṛhariḥ
sva-nābhi-brahma-saṁstutaḥ

brahmāṇḍa-koṭayaḥ kaṭyāṁ
yasyāsau pātu me kaṭim
guhyaṁ me pātu guhyānāṁ
mantrānāṁ guhya-rūpa-dṛk

ūrū manobhavaḥ pātu
jānunī nara-rūpa-dṛk
jaṅghe pātu dharā-bhara-
hartā yo ’sau nṛ-keśarī

sura-rājya-pradaḥ pātu
pādau me nṛharīśvaraḥ
sahasra-śīrṣā-puruṣaḥ
pātu me sarvaśas tanum
 
manograḥ pūrvataḥ pātu
mahā-vīrāgrajo ’gnitaḥ
mahā-viṣṇur dakṣiṇe tu
mahā-jvalas tu nairṛtaḥ

paścime pātu sarveśo
diśi me sarvatomukhaḥ
nṛsiṁhaḥ pātu vāyavyāṁ
saumyāṁ bhūṣaṇa-vigrahaḥ

īśānyāṁ pātu bhadro me
sarva-maṅgala-dāyakaḥ
saṁsāra-bhayataḥ pātu
mṛtyor mṛtyur nṛ-keśarī

idaṁ nṛsiṁha-kavacaṁ
prahlāda-mukha-maṇḍitam
bhaktimān yaḥ pathenaityaṁ
sarva-pāpaiḥ pramucyate

putravān dhanavān loke
dīrghāyur upajāyate
yaṁ yaṁ kāmayate kāmaṁ
taṁ taṁ prāpnoty asaṁśayam

sarvatra jayam āpnoti
sarvatra vijayī bhavet
bhūmy antarīkṣa-divyānāṁ
grahānāṁ vinivāraṇam
 
vṛścikoraga-sambhūta-
viṣāpaharaṇaṁ param
brahma-rākṣasa-yakṣāṇāṁ
dūrotsāraṇa-kāraṇam

bhuje vā tala-pātre vā
kavacaṁ likhitaṁ śubham
kara-mūle dhṛtaṁ yena
sidhyeyuḥ karma-siddhayaḥ

devāsura-manuṣyeṣu
svaṁ svam eva jayaṁ labhet
eka-sandhyaṁ tri-sandhyaṁ vā
yaḥ paṭhen niyato naraḥ

sarva-maṅgala-maṅgalyaṁ
bhuktiṁ muktiṁ ca vindati
dvā-triṁśati-sahasrāṇi
pathet śuddhātmanāṁ nṛṇām

kavacasyāsya mantrasya
mantra-siddhiḥ prajāyate
anena mantra-rājena
kṛtvā bhasmābhir mantrānām

tilakaṁ vinyased yas tu
tasya graha-bhayaṁ haret
tri-vāraṁ japamānas tu
dattaṁ vāryābhimantrya ca

prasayed yo naro mantraṁ
nṛsiṁha-dhyānam ācaret
tasya rogaḥ praṇaśyanti
ye ca syuḥ kukṣi-sambhavā

garjantaṁ gārjayantaṁ nija-bhuja-patalaṁ sphoṭayantaṁ hatantaṁ
rūpyantaṁ tāpayantaṁ divi bhuvi ditijaṁ kṣepayantam kṣipantam
krandantaṁ roṣayantaṁ diśi diśi satataṁ saṁharantaṁ bharantaṁ
vīkṣantaṁ pūrṇayantaṁ kara-nikara-śatair divya-siṁhaṁ namāmi

iti śrī-brahmāṇḍa-purāṇe
prahlādoktaṁ śrī-nṛsiṁha-kavacaṁ sampūrṇam.

Files